الـثقه بـالنـفس !

أوعى لما تيجي فـ بالك فكرة تقول ازاي م جاتش في دماغ العلماء ازاي محدش منهم فكر في الفكره بتاعتي؟
عايز أقولك أن العلماء دول مخلوقين من نفس - الطينه - الي انت اتخلقت منها لا أكتر ولا اقل .
بس انت مش واثق من نفسك ومش واثق من فكرتك زي ما هما بيثقوا .
والثقة بالنفس هي أول خطوة للنجاح والطريق الصحيح للوصول .
وصدقني مش هتقدر تحل المشاكل الي بتواجهك علي مدار اليوم غير لما تكون واثق من انك فعلآ هتقدر تحلها .


ومن أهم الاسباب الي ممكن تساعد في زيادة الثقة في النفس!


1) البحث عن قدراتك الخاصة



اولآ لازم تدور علي قدراتك الي بتميزك عن الاخرين ولازم تعرف كمان ان انت عندك قدرتك الخاصه وكل الناس الي حواليك ربنا اعطاهم مواهب وقدرات بس الشاطر هنا الي يكتشفها وينميها .

 وأكيد انت هتقول لنفسك ("انا معنديش قدرات مميزه ولا حاجه") وده طبيعي لان الانسان مش بيعرف ايه كل الحجات الي بيتميز بيها عن الناس لكن الناس الي تعرفك و بتكون قريبه منك وبتكون دايمآ معاك زي (اصحابك ، امك ، ابوك) دول عارفينك كويس وانت مش غريب عنهم يعني دول ممكن يقدروا يساعدوك ويقوللك علي كل حاجه عنك انت مش عارفها .
بس انا بفضل يكون أكتر الناس انت بتختلط معاهم علي مدار اليوم عشان يكون الموضوع ده أسهل وأدق .


جرب وهتكتشف الفرق
   
2) الافكار السلبيه



ثانيآ لازم تعرف أن الافكار السلبيه الي انت كل يوم بترددها بلسانك بتروح علي العقل الباطن وبعد كده بتبدأ تروح للعقل الواعي وتثبت فيه وبناءآ علي كده بتشغل دماغك علي ما هو عليه .

زي مثلآ لما تقول (مش هقدر) او (انا فاشل) هتفشل ومش هتنجح ابدا في اي حاجه إلا طبعآ لو بدلت الافكار السلبيه بغيرها من الايجابيه .


أ) بص لنفسك في المرايا وقول «انا ايجابي ومش هسيب الافكار السلبية تحطم حياتي»


ب) غير مفهوم وصفك للمشاكل الي في حياتك زي مثلا لما تقول «الموضوع ده صعب جدآ ومستحيل يتعمل» ممكن تبدلها وتقول «الموضوع ده سهل وهقدر عليه بس عاوز شوية تركيز» وطبعآ كل شئ بــ مشيئة الرحمن


 جـ) ابتسم دايمآ ، لان صعب تفكر بشكل سلبي وانت مبتسم 


3) الانتقاد


 انت لو تعرضة للإنتقاد بعد ما عملت عمل تعبت فين جدآ وبذلت في مجهود وانت فعلآ من وجهة نظرك شايف انه الافضل
المفروض الانتقاد الي انت بتاخده من الناس علي العمل ده يكون مثلا زي ازاي تعمل العمل ده بشكل أفضل او بشكل صحيح او المساعده وبعض الملاحظات البسيطه.
  
بس انت ممكن تفهم الانتقاد غلط وتحس أن الانتقاد موجه لشخصك انت مش للعمل الي انت عملته وده هيعمل حاله من اليأس والشعور بالفشل .


خد بالك من الحجات الصغيره دي لانها ممكن تحطمك !!


4) الفشل


رابعآ الفشل في الوصول الى هدفك او أنك تفشل في حاجه انت بذلت جهد كبير فيها عشان تحققها بس للاسف فشلت ده بيخليك تحس بالتفاهه وعدم الثقة بالنفس وعدم الرغبه في البدأ في عمل آخر .
خلي بالك من الحته دي لان كلنا بنفشل سعات في حجات كتير في حياتنا ومش معني كده اننا نفقد الامل ونلعن الدهر احنا المفروض نعرف الاخطاء دي ونصححها ونبدآ من جديد ومتنساش مفيش تجربه تساوي صفر .